Policia e Kosovës ka ndaluar një veturë të tipit BMW në Ferizaj, pasi dyshohej se ishte përfshirë në një aksident trafiku me dëme materiale dhe më pas ishte larguar nga vendi i ngjarjes.
Sipas njoftimit të Policisë, rasti ka ndodhur më 7 nëntor 2026, rreth orës 21:40, kur njësitet reaguese të Stacionit Policor në Ferizaj kanë ndaluar veturën me targa vendore.
Gjatë kontrollit të shoferit, A.J., 40 vjeç, policët kanë gjetur një armë zjarri, për të cilën ai posedonte leje.
I dyshuari është shoqëruar në stacionin policor, ku njësiti i hetimeve ka ndërmarrë veprimet e nevojshme procedurale. Me këtë rast, policia ka sekuestruar një pistoletë me karikator dhe dhjetë fishekë.
Me autorizimin e prokurorit të shtetit, ndaj tij është iniciuar rast për veprën penale “Mbajtja në pronësi, kontroll ose posedim të paautorizuar të armëve”.
Pas përfundimit të veprimeve fillestare policore, i dyshuari është liruar dhe rasti do të trajtohet në procedurë të rregullt hetimore.
