Kryeministri Edi Rama ndodhet këtë të hënë në Bazel të Zvicrës. Ai po merr pjesë në ekspozitën “Parcours” ku është prezantuar edhe një nga skulpturat e tij.
Ajo është një skulpturë bronzi e krijuar mbi bazën e vizatimeve të bëra në Kryeministri. Procesi kalon nga linjat e vizatuara me dorë te printimi 3D.
Pamjet e Ramës i ka postuar ish-oficeri i antidrogës Dritan Zagani që prej vitesh jeton me azil politik në Zvicër.
Ai u detyrua të largohej nga vendi pasi denoncoi lidhjet e ish-ministrit të Brendshëm Saimir Tahiri me grupin e trafikantëve të drogës të Moisi Habilajt.
“Sheshet e Tiranës plot, ky ha e pi këtej me lekët tuaja…. Vazhdoni ju protestoni paqësisht se jeni popull i kulturuar, ashtu si do ky. Mirë që vesh atlete të bardha budallai, po pse si lan ndonjëherë se zhul i paska” – shkruan Zagani.
Edhe pse në një ekspozitë Rama duket se mendjen e ka pasur te protestat në Shqipëri pasi kanë qenë të shumta komentet në rrjetet sociale për këtë çështje. /LAPSI.al
