Këshilli Gjyqësor i Kosovës (KGJK) ka miratuar propozimin për riemërimin e 15 gjyqtarëve me mandat të përhershëm, të cilin do t’ia përcjellë Presidentes së Republikës së Kosovës.
Vendimi është marrë në vazhdimin e mbledhjes së 374-të të KGJK-së.
Sipas njoftimit, propozimi për riemërimin e gjyqtarëve është bazuar në procesin e vlerësimit të performancës së tyre, në përputhje me kriteret dhe procedurat e përcaktuara me legjislacionin në fuqi.
Propozimi tashmë i drejtohet Presidentes së Kosovës për procedim të mëtejmë.
