Komandanti i KFOR-it, gjeneralmajor Roberto Vergori, është takuar me shefin e Shtabit të Përgjithshëm të Forcave të Armatosura të Serbisë, Milan Mojsiloviq.
Sipas njoftimit të KFOR-it, takimi u përqendrua në ruajtjen e marrëdhënieve të bashkëpunimit profesional dhe respektit të ndërsjellë.
“Dialogu konstruktiv u përqendrua në ruajtjen e marrëdhënieve të bashkëpunimit profesional dhe respektit të ndërsjellë, të cilat mundësojnë komunikim transparent dhe në kohë, si dhe koordinim efektiv me Forcat e Armatosura të Serbisë”, thuhet në njoftim.
KFOR-i ka ritheksuar se mbetet i gatshëm të angazhohet me të gjitha komunitetet në Kosovë, duke përmbushur misionin e tij me profesionalizëm, paanshmëri dhe përkushtim.
Misioni i KFOR-it, siç theksohet në njoftim, vazhdon të jetë krijimi dhe ruajtja e një mjedisi të sigurt për të gjithë njerëzit që jetojnë në Kosovë.
