Një dron i paidentifikuar që kishte hyrë në hapësirën ajrore të Letonisë është neutralizuar nga avionët luftarakë të angazhuar në misionin e NATO-s për Policimin Ajror Baltik. Ngjarja ka shtuar shqetësimet për sigurinë ajrore në vendet e aleancës që ndodhen pranë Rusisë dhe zonës së luftës në Ukrainë.
Forcat e Armatosura letoneze bënë të ditur se objekti fluturues u diktua mbi rajonin Balvi, në lindje të vendit. Sipas vlerësimeve paraprake, droni mund të jetë devijuar nga trajektorja si pasojë e ndërhyrjeve të sistemeve ruse të luftës elektronike.
Menjëherë pas identifikimit të tij u aktivizuan avionët luftarakë të NATO-s, të cilët ndërhynë duke e rrëzuar dronin.
Incidenti ka bërë që Letonia të rrisë masat e sigurisë në kufirin e saj lindor. Njësi shtesë të mbrojtjes ajrore janë dislokuar në zonë, ndërsa ushtria po vijon mbikëqyrjen e intensifikuar të hapësirës ajrore.
NEWS “Kam pasur jetë të shthurur”/ Alesio zbulon lidhjen me 3 fëmijët e tij!Sinjalizime për rreziqe të mundshme ajrore pati edhe në disa zona të tjera, përfshirë Augšdaugava, Preiļi, Rēzekne dhe Alūksne. Autoritetet njoftuan më pas se situata në këto rajone ishte kthyer në normalitet.
Ushtria letoneze ka paralajmëruar se incidente të ngjashme nuk mund të përjashtohen për sa kohë vazhdojnë luftimet në Ukrainë. Dronët e përdorur në operacionet ushtarake mund të devijojnë nga kursi dhe të përfundojnë në territorin apo pranë kufijve të vendeve të NATO-s.
Letonia nuk është i vetmi shtet i aleancës që është përballur së fundmi me episode të tilla. Në Rumani, gjatë korrikut, avionët luftarakë rrëzuan tre dronë brenda një periudhe prej vetëm tre ditësh. Të paktën njëri prej tyre u identifikua nga autoritetet si një “Shahed”, model i përdorur gjerësisht nga Rusia për sulmet ndaj Ukrainës.
NEWS Kurrë nuk bien në dashuri me shikim të parë, po flasim për këto shenja horoskopi!Masat e sigurisë janë shtrirë edhe në Detin e Zi. Zhytësit ushtarakë rumunë shkatërruan këtë javë dy dronë të tipit “Gerbera” pranë zonës ku po zhvillohet projekti energjetik Neptun Deep. Ministri rumun i Mbrojtjes, Radu Miruță, deklaroi se operacioni kishte si qëllim mbrojtjen e trafikut detar dhe të infrastrukturës së gazit.
Incidente të tjera janë raportuar gjatë muajve të fundit edhe në Rumani dhe Bullgari. Në qershor, një dron detar ukrainas shpërtheu në portin e Konstancës, ndërsa një tjetër incident u regjistrua pranë një stacioni kompresor të gazsjellësit Trans-Ballkanik në territorin bullgar.
NEWS Ku është AKU?/ Denoncimi me VIDEO: Pupla dhe copa kockash brenda sallamit HAKOZhvillimet kanë vënë në lëvizje edhe NATO-n, e cila ka zhvilluar konsultime me vendet anëtare të prekura. Aleanca ka shprehur mbështetjen e saj për sigurinë e tyre dhe ka përsëritur gatishmërinë për të mbrojtur territorin dhe hapësirën ajrore të vendeve anëtare.
Shtimi i episodeve me dronë po kthehet në një sfidë të vazhdueshme për krahun lindor të NATO-s. Përveç rrezikut të shkeljes së hapësirës ajrore, autoritetet janë gjithnjë e më të shqetësuara për kërcënimet ndaj aeroporteve, korridoreve të transportit dhe infrastrukturës energjetike në rajon.
