Ora News ka siguruar pamjet nga momenti kur forcat RENEA rrethojnë automjetin e Refit Buzit, në prani edhe të prokurorëve të Prokurorisë së Fierit.
Ngjarja e rëndë në fshatin Vidhisht të Fierit ka tronditur opinionin publik, pasi 35-vjeçari Refit Buzi vrau dy prindërit e ish-të fejuarës së tij, Rozalinda Plakut, dhe më pas e mori 24-vjeçaren peng.
Pengmarrja zgjati për disa orë, ndërsa forcat RENEA zhvilluan negociata të vazhdueshme me autorin për lirimin e saj. Pas përpjekjeve të gjata, Rozalinda Plaku arriti të shpëtonte dhe të largohej nga situata e rrezikshme.
Ndërkohë, Refit Buzi nuk pranoi t’u dorëzohej forcave të RENEA-s, duke i dhënë fund jetës së tij brenda automjetit pas përfundimit të negociatave.
Ngjarja vijon të jetë nën hetim për zbardhjen e plotë të rrethanave dhe motiveve që çuan në këtë tragjedi./oranews
