Mbrëmjen e sotme në “Top Story”, ekspertja e shkencave politike, Albana Shehu analizoi sondazhin që tregonte mbështetjen e shqiptarëve kudo në botë për protestën.
Shehu tha se shifrat e anketimit janë të qarta dhe se ato tregojnë një mbështetje pre më shumë se 60% për protestën që po zhvillohet në kryeqytet prej më shumë se 2 javësh.
“ ‘A mbështesni protestën’ ishte pyetja dhe pothuajse 60% mbështesin protestën. Dhe kjo është një reprezentativë e gjithë popullit shqiptar. Nëse kjo shifër korrespondon këtu, në kuptojmë që përafërsisht 60% e shqiptarëve kudo në botë tani, i përkrahin këto protesta. Dh kjo pyetje u bë sigurisht për të adresuar një nga pyetjet kryesore që është bërë nga kushdo këto ditë, ‘Pse janë ngritur shqiptarët’, Cila është arsyeja e vërtetë?’, dhe për të adresuar pastaj hipotezat që janë ngjitur që janë ngritur”, u shpreh Albana Shehu./Top Channel
