![](https://i0.wp.com/www.fiks.al/wp-content/uploads/2023/08/sot-ne-speciale-deshmitari-i-17-te-kunder-ish-krereve-te-uck-se_64ddad189b55e.jpeg?resize=850%2C638&ssl=1)
Në Dhomat e Specializuara të Kosovës (DhSK) në Hagë vazhdon gjykimi i Thaçit dhe të tjerëve. Sot pritet të paraqitet dëshmitari i ri i prokurorisë në rastin kundër Thaçit dhe të tjerëve. Sot është dita e fundit e gjykimit për këtë javë.
Ndryshe edhe dje në gjykimin ndaj Hashim Thaçit, Kadri Veselit, Rexhep Selimit dhe Jakup Krasniqit, në Dhomat e Specializuara të Kosovës (DhSK) në Hagë, ka përfunduar seanca duke qenë gjatë tërë kohës në sesion të mbyllur për mediat dhe publikun.
Në këtë seancë, ka vazhduar dëgjimi i dëshmitarit të 16-të, me kodin 03879.
Gjatë kësaj seance, dëshmitari u është përgjigjur në pyetjet e mbrojtjes së Thaçit, në këtë rast avokatit Gregory Kehoe.
Javën e ardhshme në rastin gjyqësor “Thaçit dhe të tjerët” nuk ka seanca, ndërsa në rastin “Shala’, do të mbahen pesë seanca.