![](https://i0.wp.com/www.fiks.al/wp-content/uploads/2023/06/spahiu-kfor-i-e-mbylli-syrin-ne-rastin-e-kidnapimit-te-policeve_649476fec8c7d.jpeg?resize=850%2C573&ssl=1)
Profesori Nexhmedin Spahiu, e ka kritikuar KFOR-in, në lidhje me rastin e kidnapimit të tre policëve nga forcat serbe brenda territorit të Kosovës.
Ai tha se në rastin e kidnapimit të tyre, trupat e KFOR-it, “e kanë mbyllë syrin”.
Sipas tij, kjo është bërë me qëllim apo pa qëllim, por që hyrja e trupave serbe në territorin e Kosovës, nuk mund të arsyetohet.
“Komandanti KFOR-I tha se ne e kemi stopu një gjakderdhje, por kjo nuk dmth që në të ardhmen, KFOR-i gjithmonë do të qëndrojë ndërmjet. Ndonjëherë edhe gjatë kësaj periudhe në vijim KFOR-i mund ta mbyllë syrin. Sikur që e ka mbyllë syrin për rastin e kidnapimit të tre policëve. Qëllimisht apo pa qëllim është mbyllje e syrit nga KFOR-it. Sepse bëhet fjalë për hyrje të forcave serbe brenda territorit të Kosovës”, ka thënë ai.
Tre zyrtarët policorë të Kosovës, gjenden në paraburgim në Serbi, atyre u janë caktuar 30 ditë paraburgim, nën dyshime për armëmbajtje pa leje. Bashkësia ndërkombëtare, e sidomos ShBA, ka kërkuar nga Serbia lirimin e menjëhershëm të tyre.