Ushtarët amerikanë të caktuar në Komandën Rajonale Lindje (RC-E), pjesë e misionit të NATO-s në Kosovë (KFOR), morën pjesë në një ushtrim stërvitor në Camp Bondsteel për të përforcuar bazat e qitjes, aftësitë në përdorimin e armëve dhe gatishmërinë individuale.
KFOR thekson se aktivitetet e rregullta stërvitore ndihmojnë në ruajtjen e standardeve profesionale dhe efektivitetit operativ të forcës, duke siguruar që ushtarët të jenë të përgatitur për detyrat e tyre në mbështetje të misionit.
Njoftimi:
“Përmes aktiviteteve të tilla, personeli ruan një nivel të lartë gatishmërie dhe vetëdije situacionale, duke dëshmuar përkushtimin e vazhdueshëm të KFOR-it për të siguruar një mjedis të sigurt dhe të qëndrueshëm për të gjithë njerëzit që jetojnë në Kosovë”, thuhet në njoftim.
