Lajme

𝐃𝐨𝐠𝐚𝐧𝐚 𝐞 𝐊𝐨𝐬𝐨𝐯ë𝐬 𝐬𝐡ë𝐧𝐨𝐧 𝐫𝐫𝐢𝐭𝐣𝐞 𝐭ë 𝐭ë 𝐡𝐲𝐫𝐚𝐯𝐞 𝐩𝐫𝐞𝐣 𝟓.𝟕%

Dogana e Kosovës ka mbledhur mbi 1.7 miliard euro gjatë 10 muajve të parë të vitit 2026, duke shënuar rritje prej 5.7% krahasuar me periudhën e njëjtë të vitit të kaluar.

Sipas të dhënave të publikuara nga Dogana, gjatë periudhës janar–tetor 2026, të hyrat arritën në 1 miliard e 708 milionë e 243 mijë euro, nga 1 miliard e 615 milionë e 537 mijë euro sa ishin në periudhën përkatëse të vitit 2025.

Postimi i plotë:

Dogana e Kosovës ka realizuar të hyra në vlerë prej 1 miliard e 708 milionë euro gjatë periudhës janar–tetor 2026, duke shënuar një rritje prej 5.7% krahasuar me periudhën e njëjtë të vitit 2025.

Në periudhën janar–tetor 2026, të hyrat e realizuara arritën në 1,708,243,582.06 euro, përderisa në periudhën e njëjtë të vitit paraprak ishin 1,615,537,254.62 euro.

Rritje është shënuar në të gjitha kategoritë kryesore të të hyrave:

Taksa e Doganës: +6.6%

Taksa e Akcizës: +1.8%

TVSH-ja: +7.8%

Këto rezultate pasqyrojnë angazhimin e vazhdueshëm të Doganës së Kosovës në mbledhjen e të hyrave, zbatimin e legjislacionit doganor dhe mbështetjen e zhvillimit ekonomik të vendit

Të Ngjashme