I publikoi një foto intime një 27-vjeçareje në Kamëz, e cila për këtë shkak dyshohet se u vetëhodh nga tarraca e katit të katërt dhe për pasojë humbi jetën, arrestohet 39-vjeçari.
Ngjarja e rëndë ndodhi dy ditë më parë në rrugën “Teuta”. Vajza u hodh nga tarraca e katit të 4-t dhe si pasojë e dëmtimeve të marra humbi jetën.
“U arrestua Altin Çoku 39 vjeç, për veprën penale “Shkaktimi i vetëvrasjes”.
Ai dyshohet se ka publikuar një foto intime të 27-vjeçares, e cila dyshohet se për këtë shkak është vetëhedhur nga tarraca e katit të 4-t dhe si pasojë e dëmtimeve të marra, ka humbur jetën” njofton policia.
