Autoritetet italiane po hetojnë një tjetër episod të dyshimtë pranë burgut të Parmës, pas zbulimit të mjeteve që mund të ishin përgatitur për të mundësuar arratisjen e personave që vuajnë dënimin në këtë institucion.
Zbulimi është bërë mëngjesin e 9 gushtit në perimetrin e jashtëm të burgut, në pjesën që shtrihet drejt rrugës Mantova dhe pranë zonës së rrugës Burla.
Mes sendeve të gjetura ishte një litar i pajisur me grep, i cili sipas dyshimeve të hetuesve mund të përdorej për t’u ngjitur ose për të kaluar murin rrethues të institucionit. Në zonë janë konstatuar edhe materiale të tjera që po analizohen nga autoritetet.
NEWS “I thashë këtij shokut të më gërmojë te SPAK-u, mos ka gjë për Ulon”/ Lala zbardh dëshminë e Agim Ismailit: Zambaku më …Rasti ka ngritur alarmin pasi nuk është hera e parë që pranë burgut të Parmës zbulohen mjete të këtij lloji. Një episod i ngjashëm ishte regjistruar më 2 korrik, kur jashtë strukturës u gjetën sende që dyshohej se ishin siguruar për realizimin e një plani arratisjeje.
Ngjashmëritë mes dy rasteve kanë bërë që hetuesit të shqyrtojnë mundësinë që pas tyre të qëndrojnë të njëjtët persona.
NEWS Plas grushti në OSHEE, “zarat” e Belinda Ballukut dhu nojnë drejtorët, ja si mbrohen nga politika dhe lidhjet familjareSipas raportimeve të mediave italiane, dyshimet janë përqendruar te një grup personash me origjinë shqiptare. Ata dyshohet se po organizonin nga jashtë burgut një mënyrë për të ndihmuar disa të dënuar të kapërcenin masat e sigurisë dhe të largoheshin nga institucioni.
Hetimet vijojnë për të përcaktuar se për cilët të burgosur mund të ishte përgatitur plani, si dhe për të identifikuar personat që kanë vendosur mjetet pranë perimetrit të burgut. Autoritetet po verifikojnë gjithashtu lidhjet e mundshme mes episodit të 9 gushtit dhe atij të regjistruar në fillim të korrikut.
NEWS Moti i keq “pushton” qarkun e Elbasanit! Në Peqin shembet një urë, izolohen 9 fshatra
