Aktuale

Elvis Demçe tenton t’i japë fund jetës për herë të tretë në bur*un 41-bis në Itali, dërgohet në terapi intensive

Elvis Demçe, i burgosur nën regjimin 41-bis në burgun e Operas në Itali, ka tentuar të vetëvritet duke u varur me një çarçaf në qelinë e tij. Ai është shpëtuar në kohë nga Policia e Burgut dhe është transferuar në spital. Kjo ishte tentativa e tretë për vetëvrasje.

Dy tentativa të tjera të mëparshme kishin bërë që avokati i bosit, Massimiliano Capuzi, të kërkonte masa të tilla si transferimi i tij në një strukturë të mbrojtur, ku të niste një program terapeutik.

Për pak sa tentativa e tretë nuk rezultoi fatale.

Elvis Demçe, trafikanti i njohur shqiptar i drogës, duket se ka humbur atë vetëbesim të tepruar që e kishte ngjitur në krye të organizatave të përfshira në tregtinë e drogës, duke përjetuar në vend të tij gjendjen e rëndë psikologjike të një burgimi pa rrugëdalje.

Dy ditë më parë, ai lidhi një çarçaf të dhënë nga burgu i Operas, ku aktualisht mbahet nën regjimin e burgimit të posaçëm 41-bis, dhe tentoi të vetëvritej duke u varur.

Punonjësit e policisë së burgjeve e gjetën në kohë, e zgjidhën dhe e dërguan në spital. Me sa duket, do të shpëtojë. Por aktualisht ndodhet në terapi intensive.

Dy tentativa të tjera në vitet e kaluara kishin bërë që avokati i tij, Massimiliano Capuzi, të kërkonte masa si transferimi në një strukturë të mbrojtur, ku Demçe të ndiqte një trajtim terapeutik. Kjo nuk ishte bërë e mundur për arsye të ndryshme, ndoshta edhe për shkak të profilit të tij të lartë kriminal dhe dyshimeve të gjyqtarëve lidhur me gjendjen e tij të vërtetë shëndetësore, siç do të shpjegohet më poshtë.

Veprimi vetëdëmtues i këtij 40-vjeçari, i cili për veten kishte krijuar shprehje të forta si “Unë jam Zoti”, mund të rihapë tashmë debatin mbi kushtet në burgje dhe zbatimin e regjimit 41-bis. Madje, thuhet se pritet edhe një interpelancë parlamentare.

Të Ngjashme