Mësohet se është qëlluar drejt një berberhane në pronësi të një 33-vjeçari
30-vjeçari Geraldo Mahmuri qëlloi gjatë ditës së sotme me armë zjarri drejt biznesit të Bledar Koçit.
Nga të shtënat e raportuara rreth orës 15:30, në fshatin Fermë Çlirim, nuk ka pasur të lënduar. Policia e Fierit ka rrethuar vendin e ngjarjes, për të mbledhur provat e nevojshme. Efektivët po vëzhgojnë të gjithë ambientin ku ndodhen të shtënat.
Ndërkohë ende në arrati është 30-vjeçari Geraldo Mahmuri. Ai është shpallur në kërkim nga uniformat blu.
