Ushtria e Iranit thotë se ka goditur sistemet e komunikimit satelitor, depot e pajisjeve dhe hangarët e avionëve luftarakë në Bazën Ajrore Ahmad Al-Jaber në Kuvajt, në atë që e përshkroi si faza e 31-të e një operacioni që e quan “Saiqa” ose Vetëtima.
Në një deklaratë të transmetuar nga agjencia gjysmëzyrtare e lajmeve Tasnim, zyra e marrëdhënieve me publikun e ushtrisë iraniane tha se në sulmet ajrore u përdorën raketa dhe dronë, të cilët, sipas saj, dëmtuan sistemet e komunikimit dhe hangarët e avionëve.
Ajo tha se baza “luan një rol kyç” në mbështetjen e forcave amerikane në rajon dhe operacionet e tyre ajrore dhe të zbulimit, shkruan Al Jazeera.
Në deklaratë thuhet se forcat iraniane goditën gjithashtu dislokimet e trupave dhe sistemet e radarit në Bazën Ajrore Al Minhad në Emiratet e Bashkuara Arabe, të cilën e përshkroi si një qendër të rëndësishme për mbështetjen dhe lëvizshmërinë ajrore të forcave të huaja.
Ushtria e Iranit i quajti sulmet hakmarrje për viktimat e mëparshme midis forcave të saj të armatosura dhe paralajmëroi se përgjigjja e saj ndaj sulmeve të mëtejshme “do të jetë e ashpër dhe shkatërruese” dhe do të vazhdojë “deri në fitoren përfundimtare”.
