Home Blog Page 3257

Pacolli: Bush i ktheu shpresën dhe besimin shqiptarëve të Kosovës

0

Ministri i Punëve të Jashtme Behgjet Pacolli e ka kujtuar në një postim të gjatë ish-Presidentin Amerikan George H.W Bush, i cili ncërroi jetë të premten vonë.

Pacolli thotë se Bush i ktheu shpresën dhe besimin shqiptarëve të Kosovës, se Shtetet e Bashkuara të Amerikës, nëse jo e gjithë bota demokratike, ishte vendosmërisht në krahun tonë.

Më poshtë mund ta lexoni statusin e plotë të tij:

Lajm thellësisht pikëllues për secilin prej nesh vdekja e Presidentit Xhorxh Bush.

Secili nga ne e kujton Presidentin Bush si njeriun që i ktheu shpresën dhe besimin shqiptarëve të Kosovës, se Shtetet e Bashkuara të Amerikës, nëse jo e gjithë bota demokratike, ishte vendosmërisht në krahun tonë.

Pas çmendurive dhe aventurave kriminale në Slloveni, Kroaci, BeH, më 1992 Bush i vendosi vijën e kuqe Serbisë, duke i tërhequr vërejejten se prekja e vijës së kuqe, Kosovës do të shënoj fundin e asaj ndërmarrje industriale kriminale të saj në hapësirat e ish Jugosllavisë.

Përmendja e vijës së kuqe ishte inkurajim që ne të vazhdojmë drejt lirisë dhe pavarësisë. Secili prej nesh në Kosovë, ndjehet thellësisht i pikëlluar që sot Shtetet e Bashkuara humbën Presidentin e traditës së sakrificës dhe shërbimit ndaj atdheut dhe botës së lirë.

Pak kush në historinë madhështore të SHBA-ve sikurse Presidenti Xhorxh Bush, ka pasur nderin dhe privilegjin të njihet si hero i luftës së dytë botërore ku shërbeu si pilot, edhe pse për heroizmat e tij në luftë pothuaj ai nuk foli kurrë, student sportist, kongresmen, lider i partisë, diplomat i ditëve të para, drejtues i inteligjencës, Zëvendës President, President.

Presidenti Bush bëri që rënia e një hegjemonie të kalbur sikurse Bashkimi Sovjetik, të mos i shkaktojë botës, atë çfarë kopjet e vogla sikurse Serbia përmes ish Jugosllavisë, mundën t’i shkaktojnë vuajtje e shkatërrime popujve në rajonin tonë.

Xhorxh Bush viteve të fundit forcoi shumë miqësinë me Presidentin Bill Klinton, njeriun i cili dëboi Serbinë dhe Millosheviqin përtej vijës të cilën e kishte caktuar ai me 1992.
Presidenti Bush ishte një humanist i madh, që ndonëse në moshën e shtyrë, me entuziazëm dhe energji i bashkohej nismave humanitare në SHBA dhe përtej.

Sot SHBA-të humben Presidentin model, qytetarin e madh, sot Kosova dhe bota e lirë, humbi njeriun i cili i ktheu shpresën në lirinë të cilën po e jetojmë sot.

Sot ne humbëm mikun e madh të shqiptarëve, ngushëllime popullit amerikan, ngushëllime familjes Bush. /Lajmi.net/

Qentë “e estradës” – në luks!

0

Qeni i Eranda Libohovës edhe në studiot televizive!
Ndër këngëtaret më të apasionuara në kafshë, duket të jetë Eranda Libohova, këngëtare e pëlqyer prej shumë vitesh. Ndonëse rreth të 50-ave, ende është beqare!
Këngëtarja jeton me të ëmën dhe qenin, Tekila, për të cilin kujdeset shumë. Ajo shihet me qenin rrugëve të Tiranes, e, gjithashtu, e kemi parë bashkë me qenush edhe në emisione televizive.
Eranda shpesh del publikisht në mbrojtje të kafshëve dhe është një ndër aktivistet që luftojnë për trajtimin më të mirë të kafshëve.

Qeni i Bleona Qeretit jeton në luks
Është i bardhë, i pashëm dhe shumë i bukur. Qeni i Bleona Qeretit quhet John dhe shpesh ka qenë në qendër të vëmendjes për shkak të trajtimit special nga ana e këngëtares.
Qeni i Bleonës fle në shtrat të shtrenjtë dhe ka aksesor luksoz.
Bleona thotë se Johni është një dashuri e madhe për të. Ajo ka pozuar shpesh me qenushin e saj të dashur. Bleona vazhdon të jetë vetëm, ndërkaq qenit i thotë “Eja te mami!”.

Morena Taraku me qen 10 mijë euro!
Ndër këngëtaret e estradës, e që janë deklaruar si fanse të kafshëve të ndryshme, hyn edhe Morena Taraku. Morena e ka qenin më simpatik në estradë, shkruan Kosovarja.
E mbanë në shtëpi qenin e racës “Pomerian”, të cilin e quan Moi.
Afërsisht, çmimi i qenit të saj është rreth 10 mijë euro.
Morena është tejet e lidhur me qenin e saj dhe e vesh me gjëra të shtrenjta dhe i bën foto gjatë gjithë kohës.
Moi i Morenës ka edhe llogarinë personale në “Instagram”.

Kida e puthë në buzë qenushin e saj!
Kida është ndër këngëtaret e reja më të pëlqyera. E, asaj i pëlqen shumë qeni i saj, i racës “Shpicer gjerman”, me të cilin Kida kalon mjaft kohë.
Këngëtarja është shumë e lidhur me qenin e saj dhe e mban në banesë, e për të cilin kujdesen, kryesisht, prindërit e këngëtares. Kida është parë shpesh duke e puthur e përqafuar qenin e saj, e, madje, edhe duke ia festuar me tortë ditën e lindjes!

Kafshët e Zanfina Ismailit
Nëse ka një këngëtare që nuk e mban qenin, thjesht, si aksesor, atëherë ajo është Zanfina Ismaili, që është rritur me kafshë dhe ka dashuri shumë të madhe ndaj qenve e maceve.
Këngëtarja i ka pasur disa qenë, lidhjen emocionale me të cilët e ka pasur të jashtëzakonshme. Tani ka qen e mace dhe u dedikon mjaft kohë e u falë shumë dashuri.
Zanfina shpesh e ka ngritur zërin për të mos i keqtrajtuar kafshët. /Kosovarja/

Presidenti Thaçi në “Atlantic Council”: Kosova e gatshme për paqe të qëndrueshme

0

Presidenti i Republikës së Kosovës, Hashim Thaçi, në ditën e fundit të vizitës zyrtare në SHBA, ka mbajtur një ligjëratë publike në “Atlantic Council” në Uashington të SHBA-së, në të cilën ka folur për angazhimet për të arritur një marrëveshje paqësore me Serbinë, për të vënë paqe të qëndrueshme në Ballkanin Perëndimor.

Presidenti Thaçi është shprehur se ndonëse Kosova ka qenë e gatshme dhe ka kërkuar marrëveshje për paqe gjithmonë, që nga Rambujeja e pastaj në Vjenë, megjithatë Serbia nuk ka pranuar të bëjë paqe me Kosovën.

Por tash, sipas presidentit Thaçi, falë presionit ndërkombëtar edhe Serbia është e gatshme për një marrëveshje paqësore, gjithëpërfshirëse e përfundimtare, me Kosovën.

Në anën tjetër, ai ka thënë se Kosova ka mësuar nga e kaluara se nuk ka marrëveshje pa kompromise, por gjithashtu ka mësuar se nëse bashkëpunon me partnerët e vet ndërkombëtarë, veçanërisht me Shtetet e Bashkuara, kompromisi ka sjellë deri te realizimi i aspiratave të popullit të Kosovës.

“Nëse pyesni pse tani po kërkojmë marrëveshje paqësore, ju them se tash është momenti kur edhe Serbia është e gatshme për një marrëveshje të tillë”, u shpreh presidenti Thaçi.

“Marrëveshja ende duket e largët, gati e pamundur”, u shpreh presidenti Thaçi dhe shtoi se “megjithatë jam optimist se mund të arrihet”.

Duke ditur se audienca është e interesuar të dëgjojë edhe për çështjen në mes të Kosovës dhe Serbisë, presidenti Thaçi bëri të ditur se çështja e përcaktimit të kufirit në mes të Kosovës e Serbisë është vetëm një nga pikat e marrëveshjes gjithëpërfshirëse.

“Marrëveshja është gjithëpërfshirëse dhe do të mbyllë të gjitha çështjet e hapura në mes të Kosovës dhe Serbisë, që nga të pagjeturit e refugjatët e deri te çështja e pronës dhe të drejtave të komuniteteve”, ka thënë ai.

Ndërsa, duke folur për përparësitë që do të sjellë marrëveshja, presidenti Thaçi ka thënë se janë tri pikë të rëndësishme në të cilat që do të sjellë dobi marrëveshja paqësore.

“Do të ketë njohje të Kosovës nga Serbia. Kosova do të anëtarësohet në Kombet e Bashkuara dhe do të forcojë perspektivën evropiane për të dyja vendet dhe tërë rajonin”, u shpreh presidenti Thaçi, duke shtuar se “BE na ka bërë të qartë në Samitin e Sofjes se nuk do ta pranojë Ballkanin Perëndimor, përderisa vendet e Ballkanit Perëndimor nuk i mbyllin çështjet e hapura që kanë mes tyre”.

Por, nga marrëveshja paqësore, shtoi presidenti Thaçi, përfitojnë edhe BE-ja dhe SHBA-ja.

“Procesin do të vazhdojë ta udhëheq BE, por me mbështetje të plotë e të fuqishme të Shteteve të Bashkuara”, sqaroi presidenti Thaçi.

“Është krijuar një momentum i duhur për një marrëveshje paqësore. Ta shfrytëzojmë këtë mundësi”, ftoi presidenti Thaçi në fjalën e tij në “Atlantic Council”, në Uashington.

Presidenti i Republikës së Kosovës, Hashim Thaçi, më pas u është përgjigjur pyetjeve të të pranishmëve të cilët kërkuan të dëgjonin më shumë për çështjen e kufirit në mes të Kosovës e Serbisë, por edhe për tensionet e fundit në mes të dy vendeve.

Presidenti Thaçi përsëriti se çështja e kufirit do të jetë vetëm një nga pikat e marrëveshjes dhe shtoi se “nuk do të ketë as shkëmbim të territoreve dhe as ndarje të Kosovës”.

“Nuk do të ketë as kufi përgjatë vijave etnike dhe as shkëmbim të popullatës”, shtoi presidenti Thaçi.

Ndërsa, duke folur për tensionet në mes dy vendeve, presidenti Thaçi u shpreh se këto tensione e konfirmojnë edhe njëherë nevojën që të arrihet sa më shpejt një marrëveshje paqësore dhe t’i jepet fund “konfliktit shekullor në mes Kosovës e Serbisë”.

“Të mos merremi me të kaluarën, por të shikojmë kah e ardhmja. Nuk do ta harrojmë të kaluarën, por do të punojmë për një të ardhme në paqe e prosperitet për gjeneratat e reja”, përfundoi presidenti Thaçi.

Ministrja Hoxha: Bush për historinë tonë mbetet i paharrueshëm

0

Ministrja e Integrimit Evropian, Dhurata Hoxha, me rastin e vdekjes së ish presidentit Bush, ka shprehur ngushëllime për popullin amerikan dhe Familjen Bush, duke e vlerësuar si “burrështetasin e jashtëzakonshëm i cili për historinë tonë, do të mbetet i paharrueshëm”.

Ja postimi i Ministres Hoxha në rrjetin social:

“Lajm tronditës nga ShBA. Ish-presidenti amerikan, George H.W. Bush, ka ndërruar jetë.

Në këtë ditë të dhimbjes së madhe, i shpreh ngushëllime dhe i bashkohem dhimbjes së popullit amerikan dhe Familjes Bush.

Sot, ShBA dhe Familja Bush, humbi burrështetasin e jashtëzakonshëm i cili për historinë tonë, do të mbetet i paharrueshëm, sepse që me 1992 përcaktoi “Vijën e kuqe”, duke paralajmëruar tërheqjen e Serbisë nga Kosova.

I paharrueshëm do të jetë në zemrat tona! Ngushëllime!”

Nga heroi i Luftës së Dytë Botërore – në president të SHBA-ve, duke kujtuar jetën e Xhorxh H.W Bush

0

Ish-presidenti George HW Bush – një hero i Luftës së Dytë Botërore, shërbëtor i shquar publik dhe patriark i një dinastie politike amerikane – vdiq të premten . Ai ishte 94 vjeç.

Vdekja e Bushit u njoftua në një deklaratë nga zyra e tij në Houston në orën 23 të Nju Jorkut, transmeton lajmi.net.

“Ai ishte më shumë se një njeri i madh; ai ishte një njeri i mirë, “ shkruante nipi i Bushit George P. Bush në Twitter . “Kurajoja e tij u përputh nga dhembshuria e tij; dhe përkushtimi i tij për vendin ishte e barabartë vetëm me përkushtimin e tij ndaj familjes së tij “.

Pasi shërbeu si zëvendëspresident dy-vjeçar nën presidentin Ronald Reagan, Bush e udhëhoqi kombin si president i 41-të i Amerikës nga 1989 në 1993.

Gjatë mandatit të tij presidencial, Presidenti Bush kryesoi mbi fundin e Luftës së Ftohtë, rënien e Murit të Berlinit dhe lidhi një koalicion të ndryshëm kombesh për të luftuar Irakun pasi diktatori Saddam Hussein pushtoi Kuvajtin.

Bush tha se agresioni i Irakut “nuk do të qëndrojë”.

Djali i Bushit, George W. Bush, u bë presidenti i 43-të i kombit, duke i bërë ata vetëm babai dhe djali i dytë për të mbajtur zyrën, së bashku me John Adams dhe John Quincy Adams.

Një tjetër nga djemtë e Bushit, Jeb, shërbeu si guvernator i Floridës dhe bëri një kandidim të pasuksesshëm për emërimin e presidentit republikan në 2016.

George HW Bush dhe gruaja e tij, Barbara, e cila vdiq në prill të vitit 92 , kishte katër fëmijë të tjerë – Dorothy, Neil, Marvin dhe Robin, të cilët vdiqën nga leuçemia kur ajo ishte vetëm 3 vjeç.

George Herbert Walker Bush u lind më 12 qershor 1924, në një familje të pasur dhe politikisht aktive në Milton, Mass.

Biri i Konektikatit Sen. Prescott Bush dhe Dorothy (Walker) Bush, Xhorxh ndoqën shkollën e konvikteve të elitës Phillips Academy. Ai u diplomua në 18 vjeç dhe po atë ditë u regjistrua, duke u bërë piloti më i ri në marinën gjatë Luftës së Dytë Botërore.

Ai fluturoi një bombardues me helikopter dhe fluturoi 58 misione në oqeanin e Paqësorit. Ai e quajti aeroplanin e tij Avenger “Barbara”.

Gjatë një bombardimi të drejtuar në 1944, aeroplani i Bush u godit nga zjarri anti-ajror. Pavarësisht që motori i avionit të tij ishte në flakë, Bush arriti të lirojë bomba e tij mbi objektivin. Ai u nderua me Kryqin e Frymëzuar për shërbimin e tij në Luftën e Dytë Botërore.

Menjëherë pas kthimit nga lufta, Bush u martua me Barbara Pierce më 6 janar 1945.

Ai u regjistrua në Yale University, ku ishte kapiten i ekipit të baseball.

Pas diplomimit, ai dhe Barbara u drejtuan për në perëndim të Teksasit për të bërë pasuri dhe për të rritur familjen e tyre.

Ai filloi kompaninë Bush-Overbey Oil Development në vitin 1951 dhe themeloi Korporatën Petroleum të Zapata në vitin 1953. Ai u bë një milioner në kohën kur u kthye në 40 vjeç.

Pas suksesit të tij në biznesin e naftës, Bush i ktheu pamjet e tij në politikë.

Ai fitoi një vend kongres në 1967, duke u bërë republikan i parë që përfaqësonte rrethin rreth Hjustonit.

Presidenti Gerald Ford e emëroi atë të dërguar në Republikën Popullore të Kinës – një vend i rëndësishëm në vjeshtën e vitit 1974, meqenëse Presidenti Riçard Nixon kishte rivendosur vetëm komunikimet me kombin komunist më 1972.

Diplomati u kthye në shtete për të qenë drejtor i CIA-s së Fordit duke filluar në janar 1976. Bush mbajti atë vend për një vit, përpara se Presidenti i sapozgjedhur Jimmy Carter të refuzonte ofertën e tij për të qëndruar.

Bush pastaj u kthye në bizneset e tij në Hjuston. Në vitin 1979, ai lajmëroi ofertën e tij të parë të Shtëpisë së Bardhë.

Rivali i tij kryesor ishte Ronald Reagan, ish-aktori u kthye në guvernatorin e Kalifornisë.

Bush shënoi një fitore të papritur në grupet e Iowa kundër Reagan. Por The Gipper u rikuperua dhe udhëhoqi “Revolucionin Reagan” për të fituar lehtë nominimin.


Në tetor të vitit 1987, Bush hodhi për herë të dytë kapelen e tij në unazën presidenciale.

Presidenti Bush e mposhti Mehmet Masaçusetsun Michael Dukakis, kandidati demokrat, duke mbajtur 40 shtete dhe 53 përqind të votave në zgjedhjet e vitit 1988.

Në inaugurimin e tij në janar të vitit 1989, Bush filloi administratën e tij me një thirrje për një “shtet më të butë dhe më të butë”.

Gjatë vitit të parë të Bushit në detyrë, qeveria kineze kishte shtypur brutalisht protestuesit në sheshin Tiananmen dhe muri i Berlinit ra. Ai gjithashtu ishte dëshmitar i bashkimit gjerman dhe luftoi me një Bashkim Sovjetik që ndryshon me shpejtësi dhe reformat e reja të nxitura nga Presidenti Mikhail Gorbaçov.


Kur forcat ushtarake të presidentit irakian Saddam Hussein e shtynë Kuvajtin në vitin 1990 dhe kërcënuan Arabinë Saudite dhe vendet e tjera të Lindjes së Mesme në një pushtet mbi fushat e naftës, Bush u zotua të detyronte Huseinin të tërhiqej dhe të grumbullonte një koalicion të qarqeve për ta ndihmuar atë në Operacionin Desert Storm.

“Kjo nuk do të qëndrojë. Kjo nuk do të qëndrojë, ky agresion kundër Kuvajtit nuk do të qëndrojë, “tha Bush.

Në vitin 1992, Bush njoftoi se do të kandidojë për rizgjedhje.

Por kandidati i tij demokrat, Bill Klinton, sulmoi Bush për mos bërjen e mjaftueshme për klasën e mesme dhe për të qenë “jashtë kontaktit” me shumicën e amerikanëve.

Clinton mori 370 vota të Kolegjit Zgjedhor në 168 të Presidentit Bush.

Djali më i vjetër George W. Bush fitoi zgjedhjet e kontestuara në vitin 2000, duke rënë me votën popullore në Al Gore, por duke fituar Kolegjin Zgjedhor falë triumfit të ngushtë në Florida.
George HW u bë i njohur si “Bush 41” për ta dalluar atë nga djali i tij, presidenti i 43-të i Shteteve të Bashkuara, përcjell lajmi.net.

Pavarësisht nga problemet e fundit shëndetësore , Bush ishte një nga ish-presidentët më aktive, duke ndjekur rregullisht lojrat e bejzbollit Houston Astros dhe ngjarjet kulturore rreth qytetit hapësinor.

Që nga largimi i postit, Bush ishte shumë i përfshirë në organizata bamirëse, shpesh duke u bashkuar me ish-presidentin Clinton.

Në vitin 2014, ish-oficeri i Marinës , festoi shkëlqyeshëm ditëlindjen e tij të 90-të me një kërcim parash . Ai u hodh nga aeroplanët për të festuar ditëlindjet e 75, 80 dhe 85.

“Vetëm për shkak se jeni një djalosh i vjetër, ju nuk duhet të uleni përreth duke u drohur në qoshe,” tha Bush pas festës së 85-të të ditëlindjes. “Dil jashtë dhe bëj diçka. Dilni jashtë dhe gëzoni jetën. ” /Lajmi.net/

Haradinaj: Ndotja e mjedisit duhet t’i përket të kaluarës

0

Kryeministri Ramushi Haradinaj, ka marrë pjesë sot në aksionin e pastrimit në Dollc të Klinës.

Ai ka adresuar se ndotja e mjedisit duhet t’i përket të kaluarës, teksa ka shtuar se është momenti i ndërgjegjësimit që të mos dëmtohet vendi.

“Aksioni “Ta Pastrojmë Kosovën” ka arritur në fazën përfundimtare. Këtë mëngjes, në Komunën e Klinës, së bashku me Gjeneralin John Boyd nga KFOR-i amerikan, iu bashkuam vullnetarëve në largimin e mbeturinave në njërën prej deponive ilegale përgjatë brezit rrugor në Dollc. Ndotja e mjedisit duhet t’i përket të kaluarës. Është momenti i fundit për ndërgjegjësim të të gjithë neve, që të mos e dëmtojmë vendin ku jetojmë. Imazhi i Kosovës jemi ne, njerëzit e saj dhe mund të jemi krenar vetëm në një mjedis të pastër”, ka shkruar Haradinaj në Facebook.

Kryetari në dorëheqje i Zubin Potokut: Kam arritur të shuaj institucionet e Kosovës në Komunë

0

Anëtari i kryesisë së Listës Srspska, Stefan Vuloviq, ka thënë se në pesë vjetët e fundit si kryetari i i Komunës së Zubin Potokut, ka arritur t’i shuaj funksionimin e të gjitha institucioneve të Republikës së Kosovës.

Këto deklarata Vulovic i ka bërë në një intervistë për ‘politiko.rs’, transmeton Gazeta Express.

“Zubin Potoku është një terren serb’, ka thënë Vuloviq, i cili para pak ditësh ka dhënë dorëheqje së bashku me tre kryetarët tjerë të komunave veriore të Republikës së Kosovës.

Këto dorëheqje kanë ardhur pas vendimit të Qeverisë së Republikës së Kosovës për vendosjen e taksës prej 100 për qind për produktet me origjinë nga Serbia dhe Bosnja e Hercegovina.

Përveç dorëheqjeve janë organizuar edhe protesta për disa ditë me radhë.

E për këtë çështje kryetari i Listës Serbe, Goran Rakiq, së bashku me një delegacion prej 30 personave, kanë qëndruar në Beograd për një takim me presidentin serb, Aleksander Vucic.

Pas takimit në një konferencë për media, Rakiq kishte treguar se Vucic i kishte porositur që të vazhdojnë protestat në mënyrë paqësore pavarësisht veprimeve që ndërmerren nga Kosova.

E kryeministri i Republikës së Kosovës, Ramush Haradinaj, ka thënë që vendimi për taksën nuk do të hiqet derisa Serbia ta njohë Republikën e Kosovës si shtet të pavarur.

Shefi i gjyqësorit: Sfida jonë prioritare është garantimi i respektimit të të drejtave dhe lirive të qytetarëve të Kosovës

0

Kryetari i Gjykatës Supreme të Kosovës, Enver Peci, me rastin e Ditës së Gjyqësorit të Kosovës ka uruar arritjet e sistemit të drejtësisë në Kosovë, sistem i cili sipas tij është përballur me shumë sfida e probleme, të cilat janë tejkaluar me përpjekje dhe punë të madhe.

Peci gjithashtu ka theksuar se në ndërtimin e një sistemi gjyqësor në pajtueshmëri me standardet ndërkombëtare për të drejtat e njeriut ka qenë dhe vazhdon të jetë një shembull unik.

Ai gjithashtu ka theksuar se me qëllim të rritjes së efikasitetit, llogaridhënies, transparencës e profesionalizmit, gjyqësori në Kosovë u është nënshtruar një varg reformash.

“Me qëllim të rritjes së efikasitetit, transparencës, llogaridhënies dhe profesionalizimit, gjyqësori në Kosovë u është nënshtruar një varg reformash, që nga hartimi i ligjeve të reja, ndryshimet e Kodit Penal, të Kodit të Procedurës Penale, ndryshimet dhe modifikimet e ligjeve ekzistuese e deri te reformimi i administratës.”, tha Peci gjatë fjalimit të tij.

Peci deklaroi gjithashtu se luftimi i korrupsionit dhe krimit të organizuar nuk janë sfida prioritare vetëm për të siguruar liberalizimin e vizave, por së pari për të garantuar respektimin e të drejtave dhe lirive të qytetarëve të Kosovës.

Ai tha se Gjyqësori i Kosovës ka arritur të eliminojë kritikar lidhur me mungesën e transparencës duke siguruar qasje të lehtë, për mediat por edhe për qytetarët.

I pari i gjyqësorit, tregoi edhe prioritetet në të cilat është fokusuar gjyqësori i Kosovës:

“Aktualisht jemi fokusuar në unifikimin e politikës ndëshkimore në Kosovë, pasi praktika gjyqësore ka dëshmuar se ajo nuk është unike, sa i përket shqiptimit të dënimeve, dhe kjo, përveç që është shkelje e të drejtave të njeriut, ka ndikuar edhe në uljen e besimit të publikut në gjyqësor. Matja dhe caktimi i dënimeve të ndryshme për veprat, përafërsisht të njëjta penale, me rrethana dhe kushte të barabarta, përveç problemeve që na shkakton, po ka ndikim negativ në opinion duke krijuar bindjen e një drejtësie selektive.” tha ai.

Peci ka ndarë shqetësimin e tij me administratën e sistemit gjyqësor, të cilët, në mungesë të hyrjes në fuqi të Ligjit për Pagat, vazhdojnë të jenë të diskriminuar në shumë aspekte.

“Për fund, por, si çështjen më të rëndësishme, më lejoni të ndajë shqetësimin tim me administratën e sistemit gjyqësor, të cilët, në mungesë të hyrjes në fuqi të Ligjit për Pagat, vazhdojnë të jenë të diskriminuar në shumë aspekte. Në mungesë të këtij ligji, për pozitat dhe punën e njëjtë, ka zyrtarë që paguhen ndryshe. Ndërkohë që si gjyqësor, në gjysmë të këtij viti, u përballëm me grevën e administratës”, tha ai

“Sot, kjo konferencë, duhet të na shërbejë, jo vetëm për të rritur bashkëpunimin, për të forcuar sistemin e drejtësisë, por edhe për të promovuar para qytetarëve transparencën, llogaridhënien dhe vlerat e një gjyqësori modern evropian”, përfundoi Peci. /Lajmi.net/ 

79 vjeçari i dërgoi mesazh vajzës para vetëvrasjes

0

Gjatë ditës së djeshme në Gjakovë është gjetur një trup i pajetë tek Ura e Fshejtë.

Ndërsa prokuroria, ka bërë të ditur se  aty ka ndodhur një vetëvrasje, raporton Kallxo.com

Viktima H.A, para se të hidhej nga ura, i ka dërguar një mesazh vajzës së tij për ta njoftuar atë se do t[i jepte fund jetës së tij.

Sipas zëdhënëses së Prokurorisë Yllka Shehu, dyshohet se viktima ka kërkuar nga vajza e tij që të shkojë tek ura për ta marrë automjetin e tij.

Bëhet e ditur tashmë se viktima është personi H.A, i lindur në vitin 1939, të cilin zyrtarët policor e kishin gjetur në sipërfaqen e ujit.

Trupi i të njëjtit, me urdhër të prokurorit të shtetit i është kthyer familjarëve të tij.

​Limaj për vdekjen e Bushit: Shqiptarët nuk do ta harrojnë kurrë

0

Kryetari i Nismës Socialdemokrate Fatmir Limaj ka i ka shprehur ngushëllime popullit amerikan për humbjen e ish presidentit George H.W Bush.

Zëvendëskryeministri Limaj ka thënë se qytetarët e Kosovës bashkë ndjejnë me popullin amerikan për këtë humbje. Limaj ka thënë se bota ka humbur një burrështetas me vlera të mëdha, dhe se shqiptarët nuk do ta harrojnë asnjëherë kontributin e familjes Bush.

Ky është postimi i tij i plotë:

“Me keqardhje mora lajmin për vdekjen e ish-presidentit amerikan, George H.W Bush. Qytetarët e Kosovës bashkëndjejnë me popullin amerikan për vdekjen e presidentit Bush. Bota nga sot humbi një burrështetas me vlera të mëdha. Shqiptarët nuk do ta harrojnë asnjëherë kontributin e familjes Bush dhe do t’i jenë përherë mirënjohes për ndihmën dhënë Kosovës në etapa të ndryshme.

Ngushëllime popullit amerikan dhe familjes së presidentit Bush!