Home Blog Page 3258

3 mijë e 500 vdekje të parakohshme në vit si pasojë e ndotjes së ajrit në Kosovë

0

Ndotja e ajrit në Kosovë po del të jetë një nga shqetësimet më të mëdha.

Ky shqetësim u ngrit sot në një panel diskutimi ku pjesë ishin përfaqësues komunalë, përfaqësues nga Ambasadat si dhe nga UNDP-ja, ku u tha se ndotja e ajrit është mjaftë shqetësuese në Kosovë.

Aty u prezantuan 13 pika të cilat dërgojnë drejtë mbrojtjes së ajrit në Kosovë.

Visar Azemi, drejtor i organizatës “Ballkan Green Fundation” tha gjendja e ndotjes është alarmante dhe gjatë një viti kemi 3500 vdekje nga ndotja.

“Edhe këtë vit Kosova po përballet me probleme të ndotjes të cilat qytetarët e Kosovës po përballen tash e disa ditë, kjo temë u aktivizua kur Ambasada Amerikane filloi të bëj indeksin për ndotjen në Kosovë. Shkaktarët e kësaj ndotje, janë dy termocentralet dhe transporti i stërngarkuar. Numri i vdekjeve të parakohshme është alarmant mbi 3500 në vit. Gjithsesi kritikat kanë shkuar drejt qeverisë së Kosovës sepse ata duhej të jenë bartësit kryesorë të zgjidhjes së problemit. Ua kemi lehtësuar këtë nëpërmes një fletushke e cila përmban 13 masat e mbrojtjes të adresuar për qeverinë e Kosovës”, ka thënë Azemi, raporton EO.

Ambasadori francez në Kosovë, Didier Chabert tha se Kosova ka nevojë të veprojë në mënyrë dinamike për masat e mbrojtjes.

“Kosova ka nevojë të veprojë në mënyrë dinamike për masat e mbrojtjes. Sa i përket çështjes së cilësisë së ajrit është një plan i veprimit 2017 2019 që është krijuar por duhet konstatuar se cilësia e ajrit mbetet problematike. Kjo temë nuk flitet gjatë pranverës dhe verës por kthehet në dimër. Ndotja e ajrit varet nga faktorë të ndryshëm, pari përzierja energjetike, kjo është shqetësuese, termocentralet në Obiliq janë të vjetra edhe pse BE-ja investon në filtra për pastrim, por kjo nuk mjafton”, ka thënë ambasadori francez.

Ai ka përmndur edhe shkaktarë të tjerë e që kanë të bëjnë me urbanizimin.

“Mos të harrojmë faktorët qe kanë të bëjmë me urbanizimit në Kosovë, ka pamjaftueshmëri të hapësirave të vjetra. Gjithë kjo nënkupton që nuk ka pasur planifikim urban për qytetin e Prishtinës. Çështja e naftës dhe karburanteve mbetet problematike pasi ato nuk janë të kontrolluara. Duhet të them se kjo problematikë, nuk është unike vetëm për Kosovën, por kjo ndodhë edhe në shtetet e mëdha. Çështja e mjedisit është mjaftë e rëndësishme”, tha ai.

Shqetësuese, ambasadori francez po thotë se janë vdekjet e që nuk janë pak në numër.

“Rreth 3 mijë e 500 persona vdesin çdo vit në Kosovë si pasojë e ndotjes nuk e di nëse këto të dhëna janë të sakta, nëse po kjo është mjaftë shqetësuese. Kosovarët kanë të drejtë të marrin frymë lirshëm dhe ajër të pastër. BE-ja është interesuar të ndihmojë në këtë fushën”, ka thënë ai.

Ulirika Richardson, shefe e Programit për Zhvillim të Kombeve të Bashkuara në Kosovë (UNDP), tha se duhet mobilizim për të luftuar ndotjen e ajrit.

“Arsyeja që po takohemi sot është konferenca për çështjet e ndotjes së ajrit që do organizohen gjatë ditëve në vijim. Për të mobilizuar përpjekjet BE-ja është akterë relevantë nga publiku janë ato që krahasojnë nevojën për mobilizim të shoqërisë civile për të mbrojtur veten e tyre para një rreziku. E kemi kapacitetin të mobilizohemi për diçka të mirë”, tha Richardson.

Kjo shenjë e horoskopit kërkon gjithmonë të jetë në krye

0

Shenja e Luanit, sipas horoskopit ka disa cilësi të veçanta.

Ju që i përkisni kësaj shenje jeni të sigurt në vete dhe ndiheni se mund të bëni çfare të doni. Jeni te bindur se mund të merreni edhe me gjërat më të rëndësishme.

Në fakt, ndiheni se çdo gjë varet nga ju. Pa ju asgjë nuk mund të rrjedh si duhet. Të tjerët ndoshta do të kishin pranuar të jenë të mirë, por asnjëherë nuk do të kishin pranuar të jenë, si ju.

Mbani përgjegjësi të madhe për gjërat që u rrethojnë. Për ju, asgjë nuk mund ta ketë epitetin më të lartë. Luksozi për ju ka rëndësi të njejtë sikurse frymëmarrja. Keni aftësi të dramatizoni, prandaj ndonjëherë mundoheni që nëpërmjet kësaj aftësie, ta tërheqni vëmendjen e të tjerëve. Nëse nuk ka kënaqësi në atë që e bëni, ju e krijoni vetë. Jeni shumë të mirë dhe të sjellshëm me të tjerët, dhe jeni të gatshëm që t’ua falni gabimet të tjerëve shumë lehtë. Askush nuk mund të ketë shok më të mirë se ju. Kënaqeni sot për sot dhe nuk e lodhni mendjen me atë se çfare do të ndodhe nesër.

Krenaria është problemi më i madh qe keni. Dini të krenoheni pa nevojë. Shpesh vuani nga një plagë emocionale dhe për shkak se jeni shumë krenar, nuk kërkoni ndihmë. Po ashtu mund të mos jeni në dispozicion për të qenë aktiv, mirëpo nuk doni ta tregoni atë. Në fund jeta nuk do të ishte aq interesante pa Luanet.

Karakteristikat:

Dëshiron të jetë në qendër të vëmendjes, në krye të aksionit. I do jetën, fëmijët, pushtetin. Dëshiron të urdhërojë, të shtypë. Është autoritar, shpirtgjerë dhe elegant. Bie në komplimente

I kishte humbur në aeroport, Bebe Rexha e gjen varësen e veçantë

0

Bebe Rexha është një prej këngëtaret më të suksesshme shqiptare në botën e shoubizit të huaj.
Bukuroshja jonë është mjaft aktive dhe udhëton shumë shpesh me aeroplan për në vende të ndryshme të botës.
E gjatë këtyre udhëtimeve ajo e kishte humbur gjerdanin ku shkruante edhe emri i këngëtares sonë.
Por, biondina jonë duket se e ka gjetur atë pas plotë dhjetë ditëve teksa e ka konfirmuar përmes rrjeteve sociale.
“E gjeta varësen time Bebe”, ka shkruar ndër të tjerash 27-vjeçarja në llogarinë personale në Instagram.
Kujtojmë se ajo e heq shumë rrallë aksesorin pasi e konsideron diçka të veçantë me të cilën identifikohet.
Ndryshe, këngëtarja është duke punuar në projekte të reja muzikore që do t’i sjell në albumin e ri muzikor.

Punëtorët e gjykatës në veri i kthehen punës

0

Punëtorët e Gjykatës Themelore të Mitrovicës e cila funksionon në pjesën veriore të qytetit, janë kthyer në punë.

Monitoruesja e Kallxo.com nga kjo gjykatë njofton se të gjithë punëtorët janë në punë dhe se pritet që seancat të mbahen sipas orarit të paraparë.

Të martën, kryetari i Gjykatës Themelore në Mitrovicë, Nikola Kabashiq, u kishte shkruar letër ambasadorëve në Kosovë dhe shefave të misioneve ndërkombëtare që ta shfrytëzojnë autoritetin e tyre për të ndikuar te institucionet e Kosovës që ta ndryshojnë qëndrimin “në mënyrë që situata në Kosovë të normalizohet” dhe që ata “ta kthejnë besimin te banorët serbë”.

Atë ditë punëtorët e gjykatës në veri të Mitrovicës kishin ndërprerë punën në mëngjes në shenjë solidarizimi me qytetarët të cilët po protestojnë në katër komunat e veriut të Kosovës.

Në letrën e kryetarit të gjykatës thuhet se javën e fundit, vendimi i qeverisë së Kosovës për të vënë embargo ndaj produkteve serbe “jo vetëm që ka përkeqësuar të drejtat e njeriut por ka vënë në pyetje edhe ekzistencën e popullit serb në tërë Kosovën”.

Gruaja publikon fotot e dasmës që kurrë nuk ka ndodhur – letra prapa saj duhet të lexohet nga të gjithë

0

Fotot e dasmës ofrojnë përzgjedhjen perfekte të kujtimeve përmes të cilave të kujtojmë ditën tuaj – me shpresë – të përsosur.

Megjithatë, për një nuse, Debbie Gerlach të Arizonës, fotografitë që ajo publikoi në Facebook do të jenë një kujtesë e vazhdueshme për atë që kurrë nuk i kishte, transmeton lajmi.net.

Fotografitë u publikuan në të njëjtën ditë kur duhej të bëhej dasma e tyre, pasi Randy kishte vdekur tragjikisht tetë muaj më parë …

Nusja i shoqëroi ata me një letër të hapur që mendojmë se të gjithë duhet të lexojnë:

“Sot duhej të ishte dita më e mirë e jetës sime. Sot duhej të ishte dita kur u martova me mikun tim më të mirë. U desh të zgjohesha, të vija në fustanin e dasmës dhe të shkoj poshtë rreshtit të njeriut të ëndrrave të mia. Sot, përpara të gjithë familjes dhe miqve tanë Randy & unë do të shprehnim edhe një herë dashurinë tonë për njëri-tjetrin, dhe premtimet tona që ne do të mbanim të shenjtë në zemrat tona. Sot duhej të ishte dita që unë kam ëndërruar që kur isha një vajzë e vogël. Sot unë duhet të bëhesha grua. Sot unë duhet të bëhesha zonja Zimmerman …

“Por sot u zgjova vetëm, ashtu siç bëj çdo ditë. Sot u zgjova me zemrën time të thyer përsëri. Sot babai im nuk do të më shëtisë në rresht. Sot unë nuk do të shohë pamjen e fytyrës së Randy në fund të atij rreshti kur ai merr pamjen e tij të parë në mua në fustanin e dasmës, veshjen që duhej të fshehja prej tij, sepse ai nuk mund të priste për ta parë, përcjell lajmi.net.

“Sot nuk do të shoh të gjithë miqtë dhe familjen tonë. Sot nuk do të martohem me dashurinë e jetës sime. Sot unë nuk do të ketë një burrë …

“Unë të dua Randy Z Zimmerman.” /Lajmi.net/

Lista Serbe dakordohet me Vuçiqin për veprimet kundër taksës

0

Kryetari i Listës Serbe, Goran Rakiq, do të takohet sot me presidentin e Serbisë, Aleksandar Vuçiq.

Kreu i Listës Serbe, Goran Rakiq, ka njoftuar përfaqësuesit serb se sot do të udhëtoj për në Beograd, ku do të takohet me presidentin e Serbisë, Aleksandar Vuçiq, transmeton lajmi.net.

Siç ka bërë të ditur Rakiq, takimi ka për qëllim gjetjen e një zgjidhje për hapat e mëtutjeshëm si përgjigje ndaj krizës për shkak të taksës doganore në 100 për qind për produktet e Serbisë.

Në një prononcim për “Tanjug”, Rakiq ka thënë se serbët e Kosovës, do të “luftojnë” vetëm përmes protestave paqësore dhe jo të dhunshme ndaj siç tha ai, shkeljeve të të drejtave të njeriut nga Prishtina, transmeton lajmi.net.

Ndryshe edhe gjatë ditës së sotme serbët e veriut kanë paralajmëruar mbajtjen e protestës kundër taksës 100 për qind të taksës doganore ndaj mallrave serbe dhe kudnër arrestimeve të serbëve në veri të Mitrovicës. /Lajmi.net/

Enca tha se s’kishte të dashur, ndërsa tani del se po gatuan për të?

0

Me një pamje super seksi, e veshur me një kostum që i nxjerr në pah format e saj të bëshme, Enca Haxhia më shumë se sa me këtë pamje, na e mori vëmendjen me përshkrimin e vënë në fotografinë që publikoi në Instagram.

Këngëtarja e famshme ka lansuar një imazh në të cilin duket tejet e kuruar, e po gatuante në kuzhinën e shtëpisë së saj.

“Duke gatuar për te dashurin time”, ka shkruar ajo.

E tani Enca, ke apo s’ke te dashur ti?

Haradinaj përsërit: Taksa ndaj Serbisë hiqet vetëm pas njohjes së Kosovës

0

Sektori i prodhimit në Kosovë është një nga forcat lëvizëse kryesore të zhvillimit ekonomik në vend, u tha në edicionin e parë të Konventës së Prodhuesve të Kosovës, i cili ka për qëllim fuqizimin e sektorit të prodhimit dhe promovimin e produkteve “Made in Kosova”.
Rritja e qasjes së produkteve “Made in Kosova” në tregjet e huaja si dhe qasja në edukim dhe aftësimi profesional i të rinjve ishin temat kryesore të kësaj konvente.

I pari i Qeverisë, Ramush Haradinaj tha se prodhimi në Kosovë ka qenë sfidë ndërkaq lidhur me vendosjen e taksës ndaj Serbisë dhe Bosnjës tha se mund të hiqet vetëm me vendim të qeverisë dhe jo në forma të tjera.

Ai tutje paralajmëroi se taksa mund të qëndroj gjatë deri sa Serbia ta njoh Kosovën e të zbatohen marrëveshjet e arritura mes dy vendeve.

“Prodhimi është sfidë dhe prodhuesit kanë qenë të sfiduar që nga fillimi. Kosova ka më shumë vetëbesim në prodhim dhe produktet e vendit janë të çmuara. Si Qeveri i kemi filluar disa punë konkrete, kemi filluar me heq borxhe e taksa në raport me vendet e huaja”.

“Veprimet që i kem ndërmarr në komuna me i jap tokat për krijim të zonave ekonomike janë mundësi reale që prodhuesit tonë ta shohin të ardhmen në vend. Së fundi është prodhimi i taksës ndaj Serbisë dhe Bosnjës, propozimi ka ardhur nga zyra e ministrit të Tregtisë dhe vetëm me vendim qeveritar mund të ndryshoj”. Tutje ai shtoi se, “Nuk lëvizet lista për hatër të secilit se është e pamundur. Vendimi nuk është bërë vetëm për hatër të prodhuesve vendor, por është interes i 2 milion njerëzve që janë në këtë vend. Ju e dini sa keq është trajtuar Kosova dhe produkti ‘Made in Kosova’. Nuk ka njeri që ka të kaluar të lehtë, nuk ka storje që ju bënë përshtypje të gjithëve që nuk buron nga një sakrificë”. “Përkundër faktit që jemi të përkëdhelurit e Amerikës dhe Evropës ne duhet me i kryer disa punë të shtëpisë. Le të shërbej taksa si porosi për të gjithë që jemi zgjuar dhe jemi të vetëdijshëm. Nuk e kemi marr prej qejfi këtë vendim, dhe mund të mbetet shumë gjatë, aq gjatë sa nuk e njeh Serbia, Kosovën”. Ai bëri thirrje nga bizneset që të mos i rrisin çmimet dhe ta keqpërdorin vendosjen e taksës për produktet serbe dhe ato të Bosnjës, raporton EO. “Ju thash që nuk është bërë për hatër të juve kjo taksë. Është bërë nga zori mirëpo Mos e keqpërdorni taksen, mos i rritni çmimet pa nevojë. Qeveria e Serbisë i ka keqpërdor serbët e Kosovës. Është mirë të bëjmë kujdes për ta, t’i furnizojmë ata në veri dhe jug”, ka deklaruar Haradinaj. “Ne e kemi liruar kishën prej blerjeve nuk është në taksë. Propagandat që vijnë nga Beogradi që spitalet të mbesin pa oksigjen e çerdhet pa qumësht mos lejoni të ndikojnë tek ju”.Gjatë kësaj konvente, do të bëhet dhe lansimi i platformës digjitale “Made in Kosova”.Kjo platformë është një platformë digjitale për promovimin e kompanive të Kosovës dhe produkteve në mbarë botën, e cila do shërbejë në rritjen dhe zhvillimin e kompanive dhe i bënë ato pjesë të zinxhirit së vlerës globale. Gjithashtu, gjatë konventës Klubi i Prodhuesve të Kosovës do prezantojë KOCME- Qendra Kosovare për Përsosmëri të Prodhimit, e cila do jetë një qendër moderne trajnuese që do mbështesë krijimin e vendeve të reja të punës dhe trajnim profesional të rinisë.

Në festën e 28 Nëntorit pati 20 lindje, dy nëna sjellin në jetë binjak

0

Gjatë festës së 28 Nëntorit në Kosovë ka pasur gjithsej 20 lindje.

Në jetë u sollën 22 foshnje meqë dy nëna kanë lindur binjakë.

Sipas shërbimit spitalor në QKUK, prej numrit të përgjithshëm të lindjeve, 8 kanë qenë meshkuj, 12 femra, njofton Klan Kosova.

10 nëna kanë lindur për herë të parë, përderisa me operacion janë kryer 4 lindje.

Humbë jetën shqiptari në Selanik

0

Një 40-vjeçar shqiptar ka humbur jetën në Greqi.

Një 40-vjeçar shqiptar ka humbur jetën në Greqi pasi është përplasur për vdekje nga një automjet. Ngjarja ka ndodhur në Selanik në orët e para të mëngjesit të sotëm.

Sipas policisë greke, shqiptari u përplas nga një makinë e drejtuar nga një 20-vjeçar. Identiteti i viktimës nuk është bërë me dije. 40-vjeçari ndërroi jetë menjëherë për shkak të plagëve të rënda. Policia e Selanikut ka nisur hetimet për të zbardhur rrethanat. /tvklan.al