Qeveria dhe opozita janë përplasur disa herë në Kuvendin e Shqipërisë të enjten lidhur me protestat e qytetarëve në bulevardin “Dëshmorët e Kombit”.
Deputetët e Partisë Demokratike bllokuan foltoren, duke mos lejuar ministrin Ferit Hoxha të raportonte për Konferencën Ndërqeveritare mbi procesin e integrimit në Bashkimin Evropian.
Debatet u ashpërsuan mes deputetëve të PD-së dhe kryetarit të Kuvendit, Niko Peleshi, me replika të forta nga të dyja palët. Si pasojë e situatës së tensionuar në sallë, seanca u ndërpre për disa minuta.
Për shkak të pamundësisë për vijimin normal të punimeve, kryeparlamentari Niko Peleshi kërkoi një pushim prej 5 minutash.
Protestat antiqeveritare pritet të vazhdojnë edhe sot, duke shënuar ditën e nëntëmbëdhjetë radhazi të tyre./A2CNN
