Një person ka humbur jetën në Ngucat të Malishevës derisa ishte duke punuar.
Vlera Krasniqi, zëdhënëse e policisë për rajonin e Gjakovës tha se viktima dyshohet se ka rënë nga rimorkioja dhe si pasojë e lëndimeve ka humbur jetën.
‘’Rreth orës 17:20, nga QKMF Malishevë kemi pranuar informatën se një person është dërguar pa shenja jete. Njësitë relevante të Policisë i janë përgjigjur menjëherë rastit, ku dyshohet se një person mashkull i moshës madhore, në fshatin Ngucat të Malishevës, duke punuar ka rënë nga rimorkioja dhe si pasojë e lëndimeve ka humbur jetën. Në vendngjarje kanë dalë ekipet përkatëse policore.
Policia tha se është njoftuar prokurori i shtetit dhe në koordinim me të po vazhdojnë procedurat e tjera ligjore.
