Tre persona, mes tyre edhe një grua, kanë mbetur të plagosur si pasojë e një aksidenti të ndodhur në superstradën Lezhë-Milot.
Ngjarja u regjistrua pranë fshatit Gajush, ku u përfshinë në përplasje tre automjete.
Si pasojë e aksidentit, tre të lënduarit u transportuan me urgjencë drejt Spitalit Rajonal të Lezhës për të marrë ndihmën e nevojshme mjekësore.
Sipas burimeve spitalore, ata ndodhen jashtë rrezikut për jetën.
Menjëherë në vendngjarje kanë mbërritur shërbimet e Policisë, të cilat kanë kryer veprimet e para hetimore dhe po punojnë për të përcaktuar shkaqet dhe rrethanat e aksidentit.
