Kryetari i Komunës së Gjilanit, Alban Hyseni, ka zhvilluar një vizitë në Preshevë, ku është takuar me kryetaren e kësaj komune, Ardita Sinani.
Pas takimit, Hyseni ka bërë të ditur se me Sinanin kanë diskutuar për forcimin e bashkëpunimit ndërmjet dy komunave, realizimin e projekteve të përbashkëta, koordinimin institucional dhe shkëmbimin e përvojave.
Përmes një postimi në Facebook, Hyseni ka theksuar se Gjilani dhe Presheva nuk lidhen vetëm nga afërsia gjeografike, por edhe nga vlerat, historia dhe synimet e përbashkëta.
Postim i plotë:
Gjilani dhe Presheva, dy komuna të lidhura jo vetëm nga afërsia gjeografike, por edhe nga vlerat, historia dhe synimet e përbashkëta.
Sot, gjatë vizitës në Preshevë, pata kënaqësinë të takohem me Kryetaren e Komunës, znj. Ardita Sinani, me të cilën zhvilluam një bashkëbisedim të ngrohtë e miqësor për forcimin e bashkëpunimit ndërmjet dy komunave tona.
Diskutuam për mundësitë e realizimit të projekteve të përbashkëta, koordinimin institucional dhe shkëmbimin e përvojave që do të kontribuojnë në zhvillimin e komunave tona dhe në përmirësimin e jetës së qytetarëve.
Me këtë rast, e urova kryetaren Sinani për rezultatin e zgjedhjeve të fundit, duke i dëshiruar suksese në vazhdimin e angazhimit të saj në shërbim të qytetarëve të Preshevës dhe shqiptarëve të Luginës.
Gjilani ka qenë dhe do të mbetet gjithmonë pranë Preshevës!
E falënderoj kryetaren Sinani për mikpritjen e përzemërt dhe gatishmërinë për ta kthyer bashkëpunimin tonë në projekte e rezultate konkrete për qytetarët tanë.
