Sot shumë besimtarë myslimanë në mbarë botën po agjërojnë për Ditën e Arafatit, një nga ditët më të rëndësishme në kalendarin islam. Kjo ditë vjen një ditë para festës së Kurban Bajramit dhe ka rëndësi të veçantë fetare për myslimanët.
Dita e Arafatit lidhet me qëndrimin e haxhinjve në malin Arafat në Mekë, që konsiderohet kulmi i Haxhit. Besimtarët e shohin këtë ditë si moment faljeje, lutjeje dhe afrimi me Zotin.
Sipas traditës islame, agjërimi në këtë ditë ka shpërblim të madh, ndërsa shumë imamë theksojnë se ai fal mëkatet e vitit të kaluar dhe të vitit që vjen për ata që nuk janë në Haxh.
Edhe në Kosovë, shumë qytetarë kanë zgjedhur të agjërojnë sot, duke e kaluar ditën me lutje, qetësi dhe përkushtim shpirtëror në prag të festës së Kurban Bajramit.
