Një përplasje verbale është shënuar pranë Kryesisë së Kuvendit mes aktivistes Arvina Lleshi dhe deputetes Zegjine Çaushi, teksa kjo e fundit ishte duke folur ne telefon.
Aktivistja i ka zënë pritë deputetes dhe i është drejtuar me një varg ironik, që asaj i këndohet edhe në protestë nga qytetarët.
“Përshëndetje Zegjine. E ke dëgjuar atë këngën: ‘Zegjine, Zegjine, 3 milionë jemi ne! Ti nuk di të numërosh, shko në shkollë që të mësosh!’”, i tha aktivistja deputetes.
Çaushi reagoi duke i kërkuar të ndalonte, ndërsa mes tyre nisi një debat.
“Po si nuk të vjen zor?!”, i tha deputetja, ndërsa Lleshi iu përgjigj: “Fare s’më vjen!”.
Debati:
Arvina Lleshi: Përshëndetje Zegjine. E ke dëgjuar atë këngën: ‘Zegjine, Zegjine, 3 milionë jemi ne! Ti nuk di të numërosh, shko në shkoll që të mësosh!’.
Zegjine Çaushi: Po si nuk të vjen zor?!
Arvina Lleshi: Fare s’më vjen!
Zegjine Çaushi: Si s’ke turp?!
Arvina Lleshi: As nuk më vjen zor fare!
Zegjine Çaushi: Je femër moj! Një femër ndjek nga mbrapa një femër.
Arvina Lleshi: Nuk të ndoqa mbrapa, më dole para.
Zegjine Çaushi: Ke 20 sekonda që po pret.
Arvina Lleshi: Absolutisht jo!
Zegjine Çaushi: Turp të të vijë!
Arvina Lleshi: Turp të të vijë ty që je bashkuar me një qeveri kriminale. Turp të të vijë ty që nuk përfaqëson interesat e popullit.
Zegjine Çaushi: Moj, kë përfaqëson ti?!
Arvina Lleshi: Unë përfaqësoj vetëm veten time.
Zegjine Çaushi: Sa të paguajnë?
Arvina Lleshi: Askush nuk më paguan.
Zegjine Çaushi: Si s’të vjen zor moj?! Kap njerëzit rrugës.
Arvina Lleshi: Po të kap si deputete.
Zegjine Çaushi: Je femër dhe po ul figurën e një femre. Turp të të vijë!
Arvina Lleshi: Figurën e femrës e keni ulur ju që jeni përfaqësimi më i keq i një populli. Turp t’ju vijë!
